अमरावती:अचलपूर विधानसभा क्षेत्रातील निवडणुकीपूर्वी काँग्रेसमध्ये मोठा संघर्ष पाहायला मिळत आहे. येथे सेवा दल शहर अध्यक्ष शेख कदीर पहलवान शेख महेबूब आणि अल्पसंख्याक काँग्रेस शहर अध्यक्ष नईम खान युसूफ खान यांनी कार्यकर्त्यांसह राजीनामा दिल्यामुळे शहर काँग्रेसमध्ये खळबळ उडाली आहे. राज्यात विधान सभा निवडणुकीचे वारे वाहत असतांना एकीकाळी काँग्रेस पक्षाचा गड असलेल्य अचलपुरात काँग्रेस पक्षाला खिंडार पडली आहे . काँग्रेस चे शहरातील पदाधिकारी तसेच मतपरिवर्तन करणारे नेते म्हणून ओळख असणाऱ्या पदाधिकाऱ्यांनी पक्ष श्रेष्टीवर नाराजी व्यक्त करत राजीनामा दिल्याने चर्चा ला उधान आले आहे . या दोन्ही पदाधिकाऱ्यांचे म्हणणे आहे की काँग्रेस फक्त अल्पसंख्याक मतांवर राजकारण करते, पण जेव्हा प्रतिनिधित्व किंवा काम करण्याचा विषय येतो, तेव्हा काहीच करत नाही डावलण्यात येते . दोघांनी सांगितले की, खासदार बळवंत वानखेडे आणि काँग्रेस जिल्हाध्यक्ष बबलू देशमुख यांना अनेकदा निवेदन दिले, परंतु त्यांनी प्रत्येक निवेदनाला दुर्लक्ष केले आणि शहरातील विविध कामांबाबतच्या निवेदनांना गांभीर्याने घेतले नाही. याबाबत कोणतीही कार्यवाही झाली नाही. शेख कदीर पहलवान यांनी सांगितले की, अनेकदा कामांबाबत निवेदन दिल्यानंतरही काँग्रेसचे उच्च अधिकारी, स्थानिक नेते, खासदार आणि जिल्हाध्यक्ष यांनी याकडे लक्ष दिले नाही. या सर्व गोष्टींमुळे नाराज होऊन दोन्ही नेत्यांनी आपल्या पदांचा राजीनामा दिला आहे.

त्यांच्या राजीनाम्यामुळे काँग्रेसमध्ये खळबळ उडाली आहे आणि आगामी निवडणुकीत याचा थेट परिणाम दिसून येईल. तरीही, दोघांनी अजूनही स्पष्ट केले नाही की ते कोणत्या पक्षाच्या बाजूने काम करतील, परंतु काँग्रेसच्या चुकीच्या धोरणांमुळे त्यांनी आपल्या पदांचा राजीनामा दिला आहे. तसेच, त्यांनी आरोप केला की काँग्रेस जिल्हाध्यक्ष आणि खासदार यांच्याशी संबंधित काही शहरातील लोक आहेत, ज्यांना शहरातील समस्या आणि समाजाच्या कार्यांशी काहीही देणे-घेणे नाही. या लोकांकडून पूर्व अध्यक्षांच्या कानात द्वेष पसरवले जातात, ज्यामुळे योग्य काम होत नाही. त्यामुळे दोन्ही नेत्यांनी आपल्या पदांचा राजीनामा दिला आहे आणि त्यांच्यासोबत अनेक कार्यकर्त्यांनीही आपल्या पदांचा राजीनामा दिला . आगामी विधानसभा निवडणुकीत काँग्रेसच्या उमेदवारावर याचा थेट परिणाम होईल अशी चर्चा अचलपूर आणि परतवाडा शहरात सुरू आहे.

यासंदर्भात अचलपूरच्या काँग्रेस ब्लॉक कमिटीचे अध्यक्ष श्रीकांत झोडापे यांनी सांगितले की,आम्हाला या दोघांच्या राजीनाम्याबाबत काही माहिती नाही किंवा त्यांचा राजीनामा अद्याप मिळालेला नाही माहिती घेऊन बोलतो असे झोडापे म्हणाले.