डायल ११२ हेल्पलाइन : वेळेत पोहोचलेले पोलिस, १७ लाख २५ हजार कॉलची नोंद

मुंबई: वेगवेगळ्या अडचणीत सापडलेल्या नागरिकांनी डायल ११२ या हेललाइन नंबरवर मदतीसाठी कॉल केल्यावर, पोलिसांनी तत्काळ कार्यवाही करत त्यांची मदत केली. हे समोर आले आहे की, पोलिसांनी फक्त ६.३६ मिनिटांत घटनास्थळी पोहोचले. विशेष म्हणजे, मीरा-भाईंदरमध्ये पोलिसांनी अवघ्या अडीच मिनिटांत मदत केली, तर मुंबई शहरात २१ मिनिटांचा वेळ लागला.

२०२४ मध्ये १७ लाख २५ हजार लोकांनी डायल ११२ वर कॉल केला असल्याचे समोर आले आहे. डायल ११२ या हेललाइनला सप्टेंबर २०२१ मध्ये सुरू करण्यात आले होते. यापूर्वी अहिल्यानगर आणि बीड जिल्ह्यात या हेललाइनची चाचणी घेण्यात आली होती. प्रत्येक पोलिस ठाण्यात डायल ११२ साठी विविध सुविधा उपलब्ध करण्यात आले आहेत, ज्यामध्ये किमान ५ ते २० एमडीटी (मोबाइल डेटा टर्मिनल) मशीन, दुचाकी व चारचाकी वाहनांची व्यवस्था करण्यात आली आहे.

तक्रारदाराचे लोकेशन लगेच कळल्याने पोलिस घटनास्थळी धाव घेतात. पोलिसांनी सांगितले की, "तक्रार कितीही गंभीर असो, आम्ही त्वरित मदतीसाठी पोहोचतो. तक्रार खरी किंवा खोटी हे नंतरचे प्रश्न आहेत. आम्ही दुर्लक्ष करत नाही."

चौकशी दरम्यान काही वेळा लहान मुलेही 'टाइमपास' म्हणून खोटी माहिती देतात, याचे उदाहरण बीडमध्ये एक बालक आजीच्या फोनवर कॉल करून शाळेत बाॅ असल्याची माहिती दिल्यामुळे पोलिसांची धावपळ झाली होती. असे असल्याने, पोलिस प्रशासन त्या सर्व कॉल्सचे गांभीर्याने निरीक्षण करत आहे.

पोलिस अधिक्षक नवनीत काँवत यांनी सांगितले की, "डायल ११२ हेललाइन सामान्य नागरिकांसाठी एक महत्वाचा आधार बनली आहे. कॉल येताच त्वरित मदतीसाठी आमचे पथक घटनास्थळी पोहोचते. तक्रार खरी किंवा खोटी हे नंतरचे आहे."