मुख्यमंत्रीपदासाठी भाजपाकडून फडणवीसांचे नाव पुढे; अजित पवारांचेही समर्थन

मुंबई - महाराष्ट्र विधानसभा निवडणुकीत महायुतीने विजय मिळवून सत्तेवर आल्यानंतरही महाराष्ट्राच्या पुढील मुख्यमंत्री  कोण होईल याबाबतचा अजूनही कोणतीही माहिती समोर आलेली नाही. मंगळवारी मुख्यमंत्रीपदाचा राजीनामा दिलेले एकनाथ शिंदे नवीन सरकार स्थापन होईपर्यंत कार्यवाहक मुख्यमंत्री म्हणून राहतील. सूत्रांच्या माहितीनुसार, नवीन मुख्यमंत्र्यांची घोषणा होण्यासाठी आणखीन काही दिवस ल लागू शकतात. 

भारतीय जनता पक्षाच्या (भाजपा) नेतृत्वाखालील महायुतीने 288 सदस्यीय विधानसभेत 230 जागा जिंकून विजय मिळवला. निकालानंतर गठबंधनातील शिवसेना (शिंदे गट) प्रमुख एकनाथ शिंदे किंवा भाजपा नेते देवेंद्र फडणवीस तसेच राष्ट्रवादी काँग्रेसचे नेते अजित पवार यांच्यावर पुढील मुख्यमंत्री कोण होणार याचा निर्णय घेण्याचा दबाव आहे. मात्र अजूनही  मुख्यमंत्रीपदासाठी गठबंधनातील नेत्यांमध्ये एकमत होऊ शकलेले नाही.

भाजपा फडणवीस यांच्यावर ठाम

जून 2022 मध्ये महाराष्ट्रातील राजकीय संकटाच्या काळात महाराष्ट्र भाजपाने फडणवीस यांना मुख्यमंत्री बनवण्याचा आग्रह धरला होता, परंतु पक्षाच्या वरिष्ठ नेतृत्वाने एकनाथ शिंदे यांना मुख्यमंत्री बनवले. हा निर्णय तेव्हा घेण्यात आला जेव्हा शिंदे यांनी 39 आमदारांसह बंडखोरी केली आणि तत्कालीन मुख्यमंत्री उद्धव ठाकरे यांच्या महाविकास आघाडी सरकारविरोधात आंदोलन उभे केले.

यावेळी फडणवीस यांना मुख्यमंत्री बनवण्याची मागणी जोर धरत आहे कारण त्यांच्या नेतृत्वाखाली भाजपाने 230 पैकी 132 जागा जिंकून आपल्या इतिहासातील सर्वात चांगली कामगिरी केली आहे. शिंदे यांच्या नेतृत्वाखाली शिवसेनेने 57 जागा जिंकल्या, तर अजित पवार यांच्या नेतृत्वाखालील राष्ट्रवादी काँग्रेसने 41 जागा जिंकल्या. फडणवीस सोमवारी रात्री लोकसभा अध्यक्ष ओम बिर्ला यांच्या मुलीच्या लग्नासाठी दिल्लीला गेले होते. मात्र, त्यांनी भाजपाच्या वरिष्ठ नेत्यांची भेट न घेताच मुंबईला परतले, अशी माहिती मिळाली आहे. 

शिंदे गटाचे आमदार एकनाथ शिंदे यांना दुसरा कार्यकाल द्यावा अशी मागणी करत आहेत. त्यांचा दावा आहे की महायुतीला प्रचंड बहुमत मिळवून देण्यात शिंदे यांचा मोठा वाटा आहे. मात्र निवडणुकीदरम्यान वरिष्ठ नेतृत्वाने हे स्पष्ट केले होते की मुख्यमंत्रीपदाचा निर्णय निवडणूक निकालांच्या आधारावर होईल."

महायुतीत शिंदे गटाचे 57 आमदार असले तरीही, अजित पवार यांच्या 41 आमदारांसह महायुती सरकार स्थापन करण्यासाठी सक्षम आहेत. 288 सदस्यीय महाराष्ट्र विधानसभेत बहुमताचा आकडा 145 आहे. अजित पवार यांनी आधीच फडणवीस यांना मुख्यमंत्री बनवण्यासाठी समर्थन जाहीर केले आहे.भाजपा लवकरच महाराष्ट्रासाठी पर्यवेक्षकांची घोषणा करेल. पर्यवेक्षकांच्या उपस्थितीत मुंबईत भाजपा विधिमंडळ गटाची बैठक होईल, त्यांनतर नेत्याची निवड केली जाईल. त्यामुळे निवडणुकांच्या ऐतिहासिक निकालांनंतर आता मुख्यमंत्री पदाची माळ कुणाच्या गळ्यात पडते याकडे संपूर्ण महाराष्ट्राचे लक्ष लागले आहे.