वसई : मित्राच्या मुलीसह तिच्या दोन मैत्रीणीवर एका इमसाने बलात्कार केल्याची धक्कादायक घटना विरार येथे घडली आहे. या तिन्ही मुली अल्पवयीन असून त्यातील दोन मुली या सख्ख्या बहिणी आहेत. या प्रकरणी तक्रार दाखल होताच आरोपी फरार झाला आहे. आरोपी कमलाकर कदम (४५) हा विरार मध्ये राहतो. त्याचा मित्र तुरुंगात होता. त्या मित्राने आपल्या पत्नी आणि १७ वर्षीय मुलीचा सांभाळ करण्याची विनंती केली. त्यानुसार कदम तुरुंगात असलेल्या मित्राच्या पत्नी आणि मुलीला आपल्या घरी आश्रय दिला होता. दरम्यान, मुलीची आई घर सोडून गेल्यानंतर पीडित मुलगी एकटीच राहिली. ती एकटी असल्याचा फायदा घेत आरोपी कदम याने तिच्यावर बलात्कार करण्यास सुरवात केली.