सन मोबिलिटीचे मॉड्यूलर बॅटरी स्वॅपिंग तंत्रज्ञान सादर

मुंबई :इलेक्ट्रिक वाहनांना ऊर्जा पायाभूत सुविधा आणि सेवा प्रदान करणारी आघाडीची कंपनी सन मोबिलिटी ने आज अवजड इलेक्ट्रिक वाहनांसाठी जगातील पहिले मॉड्यूलर बॅटरी स्वॅपिंग तंत्रज्ञान सादर करून इतिहास रचला . बस अँड कार ऑपरेटर्स कॉन्फेडरेशन ऑफ इंडिया द्वारे आयोजित "प्रवास ४.०" या आंतरराष्ट्रीय परिषदेमध्ये बस उत्पादक वीरा व्हेइकल्सच्या भागीदारीत आंतरशहर आणि ग्रामीण मार्गांसाठी भारतातील पहिल्या १०.५ मीटर बॅटरी स्वॅप करण्यायोग्य बसेस सादर केल्या. 3 टन ते 55 टन पर्यंत एकूण वाहन वजन असलेल्या हलक्या, मध्यम आणि जड ट्रक आणि बससाठी स्मार्ट बॅटरी सोल्यूशन्स सादर केली आहेत. बॅटरी स्वॅपिंगमुळे बसेसचा आगाऊ खर्च 40 टक्क्यांनी कमी होईल,

याबाबत सन मोबिलिटीचे मुख्य कार्यकारी अधिकारी अशोक अग्रवाल म्हणाले कि, “सन मोबिलिटीने बस ऑपरेटर्ससाठी उच्च अपफ्रंट खर्च,आणि दीर्घ चार्जिंग कालावधी आणि दीर्घ डाउनटाइम आणि अडथळे दूर करून व्यावसायिक वाहनांच्या नवीन युगाची सुरुवात केली. आम्ही भारतातील पहिले मॉड्युलर स्वॅपिंग तंत्रज्ञान सादर केले आहे, जे ऑपरेटरना एक व्यावहारिक आणि फायदेशीर उपाय प्रदान करेल."

वीरा व्हेईकल्सचे व्यवस्थापकीय संचालक के श्रीनिवास रेड्डी म्हणाले कि , “वीरा वाहने ही भारतातील सर्वात वेगाने वाढणाऱ्या बस उत्पादकांपैकी एक आहे. आम्ही दळणवळणातील गुणवत्ता आणि नावीन्य यासाठी नवीन मानके सेट केली आहेत. जगातील आघाडीच्या बॅटरी स्वॅपिंग कंपनीसोबतची आमची भागीदारी जागतिक दर्जाची इलेक्ट्रिक मोबिलिटी सोल्यूशन्स विकसित करण्यासाठी आमच्या देशांतर्गत नवकल्पना आणि अभियांत्रिकी क्षमतांचा लाभ घेईल, ज्याचा आम्हाला अभिमान आहे.