IRCTC कडून ‘अष्ट ज्योतिर्लिंग श्रावण विशेष यात्रा’चे आयोजन, ५ ऑगस्टपासून मदगावहून भारत गौरव ट्रेनद्वारे सुरुवात

मडगाव, ९ जुलै २०२५: मडगाव रेल्वे स्थानकाच्या व्हीआयपी कक्षात IRCTC पश्चिम विभाग मुंबईचे जनसंपर्क अधिकारी डॉ. ए. के. सिंग आणि कोकण रेल्वे मडगावचे PRO बाबन घाटगे यांनी संयुक्त पत्रकार परिषदेत ‘अष्ट ज्योतिर्लिंग श्रावण विशेष यात्रा’ भारत गौरव पर्यटक ट्रेनच्या माध्यमातून ५ ऑगस्ट २०२५ रोजी मडगावहून सुरू होणार असल्याची माहिती दिली.

१३ दिवसांच्या या यात्रेत आठ ज्योतिर्लिंग स्थळांचा समावेश आहे:
१. नागेश्वर (द्वारका)
२. सोमनाथ
३. महाकालेश्वर (उज्जैन)
४. ओंकारेश्वर
५. त्र्यंबकेश्वर (नाशिक)
६. घृष्णेश्वर (औरंगाबाद)
७. परळी वैजनाथ (परभणी)
८. श्रीशैलम मल्लिकार्जुन (मार्कापूर)

प्रवासी खालील स्थानकांवरून चढू/उतरू शकतात:
मडगाव, थिवी, सावंतवाडी, कुडाळ, विबववाडी, राजापूर रोड, रत्नागिरी, चिपळूण, रोहा, पेन आणि पनवेल.

पॅकेज दर (प्रति प्रवासी):

• इकोनॉमी (स्लीपर): ₹२३,८८०

• स्टँडर्ड (AC-3): ₹४१,०६०

• कम्फर्ट (AC-2): ₹५४,६६०

भारत गौरव ट्रेनमध्ये स्लीपर, तिसऱ्या आणि दुसऱ्या वातानुकूलित वर्गाचे डबे असून प्रत्येक डब्यात माहितीप्रणाली, सीसीटीव्ही आणि पँट्री कारद्वारे ताजं अन्न पुरवले जाते. या गाड्यांचे बाह्य रूप भारतीय संस्कृती आणि परंपरेचे दर्शन घडवते.

IRCTC कडून प्रवाशांसाठी सर्वसमावेशक पॅकेज तयार करण्यात आले असून त्यात ट्रेन प्रवासासोबत हॉटेल मुक्काम, बसने प्रवास, स्थानिक पर्यटन, टूर गाईड, भोजन आणि प्रवास विमा यांचा समावेश आहे.“सर्वसामान्य जनतेसाठी परवडणाऱ्या दरात अध्यात्मिक पर्यटनाचा अनुभव देणे हा आमचा उद्देश आहे,” असे डॉ. सिंग यांनी सांगितले. “या योजनेला उत्तम प्रतिसाद मिळत असून, ऑनलाइन बुकिंगसाठी लोक गर्दी करत आहेत.”

अधिक माहितीसाठी आणि बुकिंगसाठी www.irctctourism.com या IRCTC च्या संकेतस्थळाला भेट द्या किंवा ८२८७९३१८८६ (WhatsApp/SMS) वर संपर्क साधा.