बीच क्लिनिंग मशीनचे लोकार्पण: शिरगाव समुद्रकिनाऱ्यावर नवीन पाऊल.

महाराष्ट्र प्रदूषण नियंत्रण मंडळाने जिल्हा परिषदेला बीच क्लिनिंग मशीन प्रदान केली असून, आज २३ ऑगस्ट २०२४ रोजी शिरगाव समुद्रकिनाऱ्यावर या मशीनचे आभासी पद्धतीने लोकार्पण करण्यात आले. या सोहळ्याला सार्वजनिक बांधकाम मंत्री तथा पालकमंत्री पालघर, रवींद्र चव्हाण यांच्या प्रमुख उपस्थितीमुळे कार्यक्रमाचा ठसा निर्माण झाला.

या कार्यक्रमात जिल्हा परिषद अध्यक्ष प्रकाश निकम, आमदार श्रीनिवास वनगा, मुख्य कार्यकारी अधिकारी भानुदास पालवे, उपाध्यक्ष पंकज कोरे, समाज कल्याण समिती सभापती मनीषा निमकर, कृषी व पशुसंवर्धन समिती सभापती संदीप पावडे, बांधकाम व आरोग्य समिती सभापती संदेश ढोणे, महिला व बालकल्याण समिती सभापती रोहिणी शेलार, अति. मुख्य कार्यकारी अधिकारी रवींद्र शिंदे, पालघर पंचायत समिती सभापती शैला कोळेकर, सरपंच घनश्याम मोरे, उपसरपंच, जिल्हा परिषद सदस्य वैशाली करबट आणि मंगेश भोईर यांची उपस्थिती होती.

पालकमंत्री रवींद्र चव्हाण यांनी यावेळी सांगितले की, शिरगाव आणि इतर ग्रामपंचायती स्वच्छतेच्या दिशेने एक पाऊल पुढे टाकत आहेत. तंत्रज्ञानाच्या मदतीने स्वच्छता साधण्याच्या दृष्टीने ही एक महत्वाची सुरुवात आहे.

जिल्हा परिषद अध्यक्ष प्रकाश निकम यांनी शिरगाव समुद्रकिनाऱ्याची प्रशंसा केली आणि यावेळी मशीनची योग्य देखरेख करण्याचे महत्त्व सांगितले. खासदार डॉ. हेवंत सवरा यांनी अन्य समुद्रकिनाऱ्यांवरही अशा मशीनची आवश्यकता व्यक्त केली.

मुख्य कार्यकारी अधिकारी भानुदास पालवे यांनी कार्यक्रमाचे प्रस्ताविक सादर केले. पॅमटेक इन्व्हायरो सिस्टिम्स प्रायव्हेट लिमिटेडच्या बीच टेक २०००एस मॉडेलच्या मशीनसह सोनालिका कंपनीचा ७५ एचपी ट्रॅक्टर जोडला गेला आहे. जर्मन तंत्रज्ञानाने बनवलेल्या या मशीनची सरासरी किंमत एक करोड रुपये असून, पाच वर्षांचा कॉम्प्रेसिव्ह मेंटेनन्स आणि स्पेअर पार्ट्स याची देखरेख फुकट आहे.

या मशीनमध्ये एक रोटरी व्हील आहे ज्यामध्ये ४० दात आहेत, ज्यामुळे कचरा वाळूच्या खालीुन काढला जातो. कचरा वाळू पासून वेगळा करून हॉपरमध्ये साठवला जातो, आणि हे मशीन एका तासात सहा एकर बीच स्वच्छ करू शकते.

या लोकार्पण समारंभाच्या वेळी सर्व विभाग प्रमुख, उपसरपंच किशोरी माळी, पॅमटेक कंपनीचे ओमकार फाटक, अधिकारी व कर्मचारी, ग्रामविकास अधिकारी, ग्रामस्थ आणि अन्य मान्यवर उपस्थित होते. जिल्हा परिषद अध्यक्ष प्रकाश निकम आणि आमदार श्रीनिवास वनगा यांनी मशीन चालवून याचे शुभारंभ केले.