मीरा रोडवर 21 लाखांची चोरी, बुर्का घालून चोरांनी रुग्णालयात केली चोरी

मीरा रोड:मीरा रोडच्या काशीगाव येथील राधा रुग्णालयात एक धक्कादायक घटना घडली आहे, जिथे तीन चोरांनी बुर्का घालून 21 लाख रुपये चोरी केले. या चोरीची संपूर्ण घटना रुग्णालयातील सीसीटीव्ही कॅमेऱ्यात कैद झाली, ज्यामुळे चोरांची ओळख पटली.

पोलीसांनी तांत्रिक पुराव्यांच्या आधारे आरोपींचा शोध घेत बिहार आणि उत्तर प्रदेशमधून त्यांना अटक केली. पकडलेले चोर रुग्णालयात काम करणारे कर्मचारी होते, ज्यांनी हा सर्व कट रचला होता. पोलीसांनी 18 लाख रुपये आणि चोरीमध्ये वापरलेली साधने जप्त केली असून, उर्वरित 3 लाख रुपये चोरांनी खर्च केले आहेत.

पोलीस उपायुक्त प्रकाश गायकवाड यांनी सांगितले की, पोलिसांनी तात्काळ कारवाई करत चोरांना पकडले आणि त्यांच्या ताब्यातून बहुतेक रक्कम जप्त केली. या प्रकरणाचा पुढील तपास सुरू आहे