ભાયંદર : પતિના મકાન પર કબજો મેળવવા માટે બીજી પત્ની શીતલે મીરા રોડ ખાતે ક્રેનની મદદથી સીધા ત્રીજા માળની બારીમાંથી મકાનમાં પ્રવેશ કરવાનો પ્રયાસ કર્યો. આ ઘટનાને લઇને કાશીગांव પોલીસ સ્ટેશનમાં ફરિયાદ નોંધાઈ છે અને આરોપી મહિલા તેમજ ક્રેન ડ્રાઈવર પોલીસ કસ્ટડીમાં છે.

શારગુલ ખાન નામના વ્યક્તિએ બે લગ્ન કર્યા છે. તેમની પ્રથમ પત્નીનો નામ રોશની છે જ્યારે બીજી પત્ની શીતલ છે. મકાન રોશનીના નામે હોવાથી તે ત્યાં રહેતી હતી. છેલ્લા કેટલાક દિવસોથી મકાનના કબજાને લઈને ઝઘડો ચાલી રહ્યો હતો.

બુધવારના દિવસે શીતલે ક્રેન બોલાવી અને ત્રીજા માળની બારીમાંથી ઘરમાં પ્રવેશ કર્યો. ઘરમાં પ્રવેશ કર્યા પછી તેણે રોશની સાથે ઝઘડો કર્યો અને મારપીટ કરીને તેને બહાર કાઢી નાખી. રોશનીએ તરત જ પોલીસ સ્ટેશનમાં ફરિયાદ નોંધાવી.

પોલીસ નિરીક્ષક મહેશ તોગડવાડના જણાવ્યા અનુસાર શીતલ, ક્રેન ડ્રાઈવર અને ચાર અન્ય સહાયકો વિરુદ્ધ કેસ નોંધાયો છે.

થોડા મહિનાં પહેલાં શારગુલે એસી લગાવવાનો બહાનો કરીને ક્રેન મંગાવી હતી. આ માહિતી શીતલને હતી. એસી લગાવવાનું નક્કી કરીને તેણે ફરી ક્રેન બોલાવી, પરંતુ સ્થળ પર એસી ન હોવાથી ડ્રાઈવરે પ્રશ્ન પૂછતા તેણે કહ્યું કે પતિએ દરવાજો નથી ખોલતો એટલે ક્રેનથી ઘરમાં જઈ રહી છે.