હરિયાણા અને જમ્મુ અને કાશ્મીર વિધાનસભા ચૂંટણી માટે ઉમેદવારોના નામને અંતિમ રૂપ આપવા માટે દિલ્હીમાં પાર્ટી હેડક્વાર્ટર ખાતે 25 ઓગસ્ટ, રવિવારના ભારતીય જનતા પાર્ટી (BJP) સેન્ટ્રલ ઇલેક્શન કમિટી (CEC) બેઠક કરશે. આ બેઠકમાં પાર્ટીના રાષ્ટ્રીય અધ્યક્ષ જેપી નડ્ડા, કેન્દ્રીય ગૃહમંત્રી અમિત શાહની સાથે જમ્મુ-કાશ્મીરના ચૂંટણી પ્રભારી રામ માધવ, જી. કિશન રેડ્ડી, મહામંત્રી તરુણ ચુઘ ઉપસ્થિત રહેશે. દિલ્હી પાર્ટી હેડક્વાર્ટરમાં યોજાનારી આ બેઠકમાં હરિયાણા અને જમ્મુ-કાશ્મીરની વિધાનસભા ચૂંટણી માટે ઉમેદવારોના નામોને મંજૂરી આપવામાં આવી શકે છે.