ગુજરાતના શહેરોમાં પશ્ચિમ બંગાળ હિંસાના વિરોધમાં ભાજપની ભગીની સંસ્થાઓનું પ્રદર્શન, મમતા બેનરજી વિરૂદ્ધ સૂત્રોચ્ચાર

અમદાવાદ/વડોદરા/રાજકોટ :પશ્ચિમ બંગાળના મુર્શિદાબાદ જિલ્લામાં વક્ફ સુધારા કાયદાના વિરોધમાં ફાટી નીકળેલી સામપ્રદાયિક હિંસાના પડઘા ગુજરાતમાં પણ  રેઝોનન્સ પામી રહ્યા છે. રાજ્યના મુખ્ય ત્રણ શહેરો અમદાવાદ, વડોદરા અને રાજકોટમાં વિશ્વ હિન્દુ પરિષદ અને બજરંગ દળના કાર્યકરો રસ્તા પર ઉતરી આવ્યા હતા અને બંગાળ સરકાર વિરુદ્ધ ઉગ્ર વિરોધ નોંધાવ્યો હતો.

અમદાવાદના સુભાષ બ્રિજ વિસ્તારમાં યોજાયેલી રેલી દરમિયાન મમતા બેનરજીનું પૂતળું બાળવામાં આવ્યું હતું. જેને પગલે પોલીસ અને વિરોધકારીઓ વચ્ચે તંગદિલી સર્જાઈ હતી. જો કે, પોલીસની તત્પરતાથી સ્થિતિ પર કાબૂ મેળવી લેવાયો હતો અને કેટલાક કાર્યકરોને ડિટેઇન કરવાની કાર્યવાહી હાથ ધરાઈ હતી.

વડોદરાના ઓપી રોડ ખાતે પણ ઉગ્ર સૂત્રોચ્ચાર સાથે વિરોધ પ્રદર્શન યોજાયું હતું. લોકો ત્રિણમૂલ સરકાર વિરુદ્ધ બેનરો લઈને રેલીના રૂપમાં કલેક્ટર કચેરી સુધી પહોંચ્યા અને રાષ્ટ્રપતિ શાસન લાગુ કરવાની માંગ સાથે આવેદનપત્ર આપ્યું. વિરોધ દરમ્યાન "જય શ્રી રામ"ના નારા અને હનુમાન ચાલીસાના પઠન સાથે હિન્દુ સમાજમાં ઊંડા રોષની લાગણી જોવા મળી.

ક્રિકેટર અને TMC સાંસદ યુસુફ પઠાણના વિરોધમાં પણ વિરોધીઓ રસ્તે ઉતર્યા હતા. પઠાણ પર બંગાળ હિંસાની નિંદા ન કરવા અંગે આક્ષેપો કરવામાં આવ્યા.

રાજકોટમાં વિરોધ પ્રદર્શન દરમિયાન બંગાળમાં હિન્દુઓ પર થતા અત્યાચારની CBI અથવા NIA દ્વારા તપાસની માંગ કરવામાં આવી હતી.

સંગઠનના આગેવાનોનો આક્ષેપ છે કે પશ્ચિમ બંગાળમાં વક્ફ કાયદાના વિરોધની આડમાં હિન્દુ સમુદાયને નિશાન બનાવવામાં આવી રહ્યો છે અને રાજ્ય સરકારે તે અંગે કોઈ કડક કાર્યવાહી નથી કરી.

જો કે, આ બધા વચ્ચે કેટલાક વર્ગો દ્વારા એવા સવાલો પણ ઊઠાવવામાં આવી રહ્યા છે કે મણિપુર હિંસાના મુદ્દે આ જ સંગઠનો મૌન કેમ રહ્યાં? શું દેશભરમાંથી આવતી અન્ય હિંસાઓના મુદ્દે સંગઠનોની ચૂપ સહમતિ તરીકે જોવી જોઈએ?

દેશના વિવિધ ભાગોમાં ચાલી રહેલી હિંસાઓના રાજકીય અને સામાજિક પ્રભાવોને લઈને લોકોમાં સજાગતા અને ચર્ચા જગવા લાગ્યું છે.