મુંબઈઃ વર્ષ 2023માં ત્રણ ફિલ્મોથી ધૂમ મચાવનાર શાહરૂખ ખાનની 2024માં હજુ સુધી એક પણ ફિલ્મ રિલીઝ થઈ નથી. તે ફિલ્મ 'કિંગ'ના કારણે ચર્ચામાં છે. તેણે તાજેતરમાં સ્વિટ્ઝર્લેન્ડમાં લોકાર્નો ફિલ્મ ફેસ્ટિવલ દરમિયાન આ ફિલ્મની પુષ્ટિ કરી હતી. હવે આ ફિલ્મ સાથે જોડાયેલી એક મહત્વની માહિતી સામે આવી રહી છે. ફિલ્મના કેટલાક ખાસ દ્રશ્યો ખૂબ જ સુંદર શહેરમાં શૂટ કરવામાં આવશે.

અગાઉ એવા અહેવાલ હતા કે, શાહરૂખની આગામી ફિલ્મ 'કિંગ'નું શૂટિંગ યુકે માં થશે. રિપોર્ટ અનુસાર 'કિંગ'ના કેટલાક મુખ્ય સીનનું શૂટિંગ યુકેના બદલે હંગેરીના બુડાપેસ્ટમાં થશે. તે યુરોપમાં લોકપ્રિય શહેર છે. જ્યાં દર વર્ષે એક કરોડથી વધુ લોકો મુલાકાત લેવા આવે છે. હવે આ શહેરમાં શાહરૂખની ફિલ્મના કેટલાક એક્શન સીન શૂટ થવાના છે.

સપ્ટેમ્બર ઓક્ટોબરમાં શૂટિંગ શરૂ થઈ શકે છે

શાહરૂખ ખાનની ફિલ્મ કિંગનું શૂટિંગ હજુ શરૂ થયું નથી. શાહરૂખે હાલમાં જ એક ઈન્ટરવ્યુમાં આ ફિલ્મની પુષ્ટિ કરી છે. ત્યારથી, ચાહકો ફિલ્મનું શૂટિંગ શરૂ થવાની રાહ જોઈ રહ્યા છે. એવું કહેવામાં આવી રહ્યું છે કે કિંગનું શૂટિંગ સપ્ટેમ્બરના અંતમાં અથવા ઓક્ટોબરની શરૂઆતમાં શરૂ થઈ શકે છે. મૂવી

શાહરૂખની દીકરી 'કિંગ'માં જોવા મળશે

શાહરૂખ ખાનની દીકરી સુહાના માટે આ ફિલ્મ ખૂબ જ ખાસ બની રહી છે, કારણ કે સુહાના ખાન પણ 'કિંગ'માં સાથે જોવા મળશે. થોડા દિવસો પહેલા અભિનેતા અભય વર્માને પણ કિંગ માટે કાસ્ટ કરવામાં આવ્યો હતો. કહેવામાં આવી રહ્યું છે કે, અભય અને સુહાના એકબીજાની સામે જોવા મળશે. અહેવાલ છે કે આ ફિલ્મમાં અભિનેતા અભિષેક બચ્ચન પણ નેગેટિવ રોલમાં જોવા મળશે. અભિષેક ગેંગસ્ટરના રોલમાં જોવા મળશે. તેનું નિર્દેશન સુજોય ઘોષ કરશે અને પ્રોડ્યુસ સિદ્ધાર્થ આનંદ કરશે.